महिपाल लोमरोरचे त्रिशतक

नवी दिल्ली : 2024 च्या रणजी क्रिकेट स्पर्धेतील येथे सुरू असलेल्या उत्तराखंड विरुद्धच्या सामन्यात राजस्थानचा फलंदाज महिपाल लोमरोरने शानदार त्रिशतक झळकविले. या सामन्यात तो 300 धावांवर खेळत आहे. लोमरोरच्या त्रिशतकामुळे राजस्थानने 7 बाद 660 धावांवर डाव घोषित केला. त्यानंतर उत्तराखंडने 2 बाद 109 धावा जमवल्या. 2025 च्या आयपीएल हंगामासाठी होणाऱ्या क्रिकेटपटूंच्या लिलावात आता महिपाल लोमरोर याला मोठ्या बोलीवर खरेदी केले जाईल, अशी चर्चा चालु आहे. लोमरोरने 13 षटकार आणि 25 चौकारांसह नाबाद 300 धावा झळकविल्या. आयपीएल क्रिकेटपटूंचा लिलाव कार्यक्रम 24 आणि 25 नोव्हेंबरला सौदी अरेबियातील जेदाह येथे आयोजित केला आहे. गेल्यावर्षीच्या आयपीएल हंगामात 24 वर्षीय महिपाल हा आरसीबी संघाचा सदस्य होता. तो धडाकेबाज फलंदाज आणि उपयुक्त फिरकी गोलंदाजही आहे.