महिंदा राजपक्षे शासकीय निवासस्थान सोडणार

कोलंबो : श्रीलंकेचे माजी राष्ट्रपती महिंदा राजपक्षे यांनी गुरुवारी शासकीय निवासस्थान सोडले आहे. संसदेत संमत एका नव्या कायद्यामुळे माजी राष्ट्रपतींना मिळणारे विशेषाधिकार संपुष्टात आले आहेत. राजपक्षे यांचे अधिकृत निवासस्थान कोलंबोचा प्रमुख भाग सिनेमन गार्डनमध्ये हेते. राजपक्षे येथे 2015 पासून वास्तव्य करत होते. राजपक्षे हे 2005-15 पर्यंत श्रीलंकेचे राष्ट्रपती राहिले आहेत. त्यापूर्वी ते 2004-05 तसेच 2019-22 पर्यंत पंतप्रधानपदी होते. राजपक्षे यांचे वैयक्तिक घर तमगले येथे असून हे ठिकाण कोलंबोपासून 190 किलोमीटर अंतरावर आहे.