करवीर तहसलिदार शीतल मुळे-भामरे यांची माहिती
कोल्हापूर : महाराष्ट्र नागरी सहकारी पतसंस्था मर्या, कोल्हापूर यांच्याकडून रुपये 1 लाख 42 हजार इतक्या रक्कमेच्या वसुलीसाठी करवीर सि.स.नं. 1055 ब, ए वॉर्ड पैकी पतसंस्थेच्या हिश्श्याच्या रक्कम वसूल करण्यासाठी स्थावर संपत्ती जप्त करण्यात आली आहे. विक्रीसाठी निश्चित केलेल्या दिवसापूर्वी 1 लाख 42 हजार अधिक व्याज जमा करावे. अन्यथा जप्त मालमत्ता करवीर तहसिलदार कार्यालय येथे 28 सप्टेंबरला सकाळी 11 किंवा दुपारी 3 वाजता जाहिर लिलावाने विक्री केली जाईल, अशी माहिती करवीरच्या तहसिलदार शीतल मुळे- भामरे यांनी प्रसिद्धीपत्रकाद्वारे दिली आहे.
लिलावाच्या शर्ती अशा, करवीर रि.स.नं. १०५५ ब पैकी महाराष्ट्र नागरी सहकारी पतसंस्था, ता. करवीर, जि. कोल्हापूर यांच्या हिश्श्याचे क्षेत्र ०.२०.०० चौ.मी. या मालमत्तेची मुल्यांकन किंमत रु. १० लाख ७२ हजार ६०० या मालमत्तेच्या मुल्यांकन इतकी असून यापेक्षा कमी बोली स्विकारली जाणार नाही. लिलाव मंजूर अंतरावर पूर्ण केला जाईल. ज्यांच्या नावे लिलाव पूर्ण होईल त्याने 1/4 रक्कम तात्काळ भरावयाची आहे. लिलाव मंजूर झाल्यानंतर तीन दिवसात उर्वरित ३/४ रक्कम जमा करायची आहे. उर्वरित ३/४ रक्कम जमा न केल्यास फेरलिलाव केला जाईल व त्यात बोली कमी आल्यास अशी कमी पडणारी रक्कम पूर्वी जमा केलेल्या १/४ रकमेतून वजा केली जाईल. थकबाकीदाराने लिलाव पुकारल्यानंतर ३० दिवसाच्या आत संपूर्ण थकबाकी, नोटीस फी, लिलाव पुकारलेचा खर्च इत्यादी खर्च जमा करून लिलाव रद्द करण्यास सक्षम अधिकाऱ्याकडे विनंती केल्यास लिलाव ज्याच्या नावे मंजूरी अंतरावर पूर्ण केला आहे. त्यास बोली रक्कमेच्या ५ टक्के रक्कम मानधन म्हणून अदा करावी लागेल. सक्षम अधिकाऱ्याकडून लिलाव मंजूर झाल्यानंतर विक्री प्रमाणपत्र दिले जाईल. त्या आधारे लिलाव धारकास मिळकतीचा प्रत्यक्ष ताबा देण्यात येईल. असे या प्रसिद्धी पत्रकाद्वारे कळविण्यात आले आहे.
