बेळगाव : महाराष्ट्राचे सांस्कृतिक मंत्री अॅड. आशिष शेलार यांनी रविवारी बेळगावला धावती भेट दिली. कोल्हापूर येथील दौरा आटोपून ते बेळगावला आले होते. व्हॅक्सिन डेपो येथील कला प्रकल्पांचा त्यांच्या हस्ते शुभारंभ करण्यात आला. कोल्हापूर येथील चित्रनगरीच्या उद्घाटनासाठी आशिष शेलार कोल्हापूर येथे आले होते. रविवारी सकाळी ते बेळगावला आले. व्हॅक्सिन डेपो येथे बेळगाव स्मार्ट सिटीअंतर्गत महाराष्ट्राच्या दादासाहेब फाळके चित्रनगरी-एन. डी. स्टुडिओच्या माध्यमातून साकारल्या जाणाऱ्या कला प्रकल्पांच्या कामांचा त्यांच्या हस्ते शुभारंभ झाला. साडेतीन एकर जागेमध्ये उभारल्या जाणाऱ्या या भव्य प्रकल्पात भारतातील पाच वेगवेगळ्या प्रांतांतील पारंपरिक खेडी, हवाई दालन व कला प्रदर्शनासाठी विशेष सुविधा यांचा समावेश करण्यात आला आहे. गोरेगाव फिल्मसिटीच्या सहकार्यातून सांस्कृतिक समृद्धी आणि आधुनिकतेचा संगम असलेला हा प्रकल्प केला जाणार आहे. यावेळी गोरेगाव चित्रनगरीचे सहव्यवस्थापकीय संचालक प्रशांत साजणीकर, वित्तीय सल्लागार चित्रलेखा खातू, साहाय्यक लेखाधिकारी महेश भांगरे, बेळगाव स्मार्ट सिटीच्या व्यवस्थापकीय संचालक सईदा आफ्रिनबानू बळ्ळारी यांच्यासह नगरसेवक व शिवप्रेमी उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
