लोकमान्य मल्टिपर्पजच्या स्थापनादिनानिमित्त सांबरा शाखेत महापूजा-नेत्रचिकित्सा शिबिर

उचगाव : लोकमान्य मल्टिपर्पज को-ऑपरेटिव्ह सोसायटी लिमिटेड सांबरा शाखेमध्ये सोसायटीच्या स्थापना दिनाचे औचित्य साधून सत्यनारायण महापूजा व नेत्रतपासणी शिबिराचे आयोजन करण्यात आले होते. या शिबिरामध्ये या भागातील जवळपास 200 रुग्णांनी आपल्या डोळ्यांची तपासणी करून उपचार करून घेतले. बेळगाव येथील सुलोचना हॉस्पिटल आणि पूजा ऑप्टिकल यांच्या संयुक्त विद्यमाने या शिबिराचे आयोजन करण्यात आले होते. प्रारंभी लोकमान्य मल्टिपर्पज को-ऑपरेटिव्ह सोसायटीच्या सांबरा शाखेचे शाखा अधिकारी अजित उपेंद्र सरंजामे यांनी उपस्थितांचे स्वागत केले. यावेळी प्रदीप रेडेकर, महेश गावडे, चिदंबर कुलकर्णी, भरमा चिंगळी, वैष्णवी परीट, केतकी लक्ष्मेश्वर, सावित्री माने, कृष्णा धर्मोजी उपस्थित होते. तसेच सदर शिबिर आयोजित करण्यासाठी मार्गदर्शक म्हणून संस्थेचे रिजनल मॅनेजर मधुकर कुलकर्णी, असिस्टंट रिजनल मॅनेजर चंद्रकांत पाटील, मार्केटिंग मॅनेजर गुरुप्रसाद तंगणकर यांचे विशेष सहकार्य लाभले. या शिबिरामध्ये सांबरा, बाळेकुंद्री परिसरातील रुग्णांनी सकाळपासूनच गर्दी केली होती. डोळ्यांच्या विविध तक्रारी, आजार यासंदर्भात डॉक्टरांशी संपर्क करून त्यांनी आपल्या डोळ्यांची तपासणी आणि इलाज करून घेतले. यावेळी डॉ. महेश मगदूम, डॉ. अवधूत चौगुले, पूजा भोगण, डॉ. श्रुती चौगुले, ओंकार चौगुले यांनी डोळ्यांची तपासणी केली.