धामणे कलमेश्वर मंदिरात महाप्रसाद

धामणे : धामणे येथील कलमेश्वर मंदिरात महाप्रसादाचे वाटप करण्यात आले. प्रतिवर्षाप्रमाणे महाशिवरात्रीनिमित्त बुधवार दि. 26 रोजी कलमेश्वर मंदिरातील महादेवीच्या पिंडीला विधीपूर्वक भक्तिमय अभिषेक घालण्यात येवून पूजन करण्यात आले. दुपारी मंदिरामध्ये भजन कार्यक्रम झाला. यानिमित्त तरुण युवक मंडळाच्यावतीने धर्मवीर छत्रपती संभाजी महाराजांचा छाया चित्रपट दाखविण्यात आला. याप्रसंगी पूजन बेळगाव जिल्हा शिवसेनेचे उपजिल्हा प्रमुख बंडू केरवाडकर, माजी ग्राम पंचायत सदस्य विजय बाळेकुंद्री यांनी केले. त्यानंतर चित्रपटाला सुरुवात झाली. गुरुवार दि. 27 रोजी सकाळी तरुण युवक मंडळच्यावतीने मान्यवरांचा सत्कार केला. दुपारी 2 वाजता महाप्रसाद वाटप करण्यात आला. धामणे, कुबरहट्टी, मासगौंडहट्टी, देवगणहट्टी येथील भाविकांनी महाप्रसादाचा लाभ घेतला.