ग्रासरूट चषक साखळी फुटबॉल स्पर्धा
बेळगाव : ग्रासरूट चषक साखळी फुटबॉल स्पर्धेत शुक्रवारी खेळविण्यात आलेल्या सामन्यातून जैन हेरिटेज ब, मॅजिक स्पोर्टींग, मानस स्पोर्ट्स फौंडेशन, सेंट पॉल्स संघानी प्रतिस्पर्ध्यांवर मात करून प्रत्येकी 2 गुण मिळविले. सेंट पॉल्स स्कूलच्या मैदानावर आयोजित करण्यात आलेल्या ग्रासरूट चषक फुटबॉल स्पर्धेत दहा वर्षाखालील गटात जैन हेरिटेज अ संघाने जैन हेरिटेज ब संघाचा 6-0 असा, दुसऱ्या सामन्यात मॅजिक स्पोर्टींग सुपर किंग संघाने संजय घोडावत अ संघाचा 4-0 असा तर तिसऱ्या सामन्यात मॅजिक स्पोर्टींग संघाने घोडावत ब संघाचा 2-0. चौथ्या सामन्यात मानस स्पोर्ट्स फौंडेशन संघाने केएलई इंटरनॅशनल संघाचा 5-0 असा तर पाचव्या सामन्यात जैन हेरिटेज सी संघाने डी संघाचा 1-0 असा निसटता विजय मिळविला. सहाव्या सामन्यात मन्नू फुटबॉल अकादमीने सेंट पॉल्स ब संघाचा 2-0 तर सातव्या संघात सेंट पॉल्स अ ने संजय घोडावत सी संघाचा 8-0 तर आठव्या सामन्यात सेंट पॉल्स ब ने मॅजिक स्पोर्टींग ब संघाचा 2-0 असा पराभव केला. 12 वर्षाखालील गटात पहिल्या सामन्यात संजय घोडावत ब संघाने बाशिनी इंटरनॅशनल स्कूलचा 3-0, दुसऱ्या सामन्यात मॅजिक स्पोर्टींग इंडियन्स संघाने जैन हेरिटेज संघाचा 4-0, तिसऱ्या सामन्यात फिनिक्स कौन्सिलने मॅजिक स्पोर्टींगने वॉरियर्सचा 1-0 असा निसटता पराभव केला. चौथ्या सामन्यात मॅजिक स्पोर्ट्स इंडियन संघाने घोडावत ब संघाचा 4-0 असा, पाचव्या सामन्यात फिनिक्स स्पोर्ट्स कौन्सिलने केएलई इंटरनॅशनलचा 1-0 असा निसटता तर सहाव्या सामन्यात जैन हिरेटीज ब संघाने केएलई इंटरनॅशनल ब संघाचा 5-0 असा पराभव करून प्रत्येकी 3 गुण मिळविले.
