वृत्तसंस्था/ ग्वाल्हेर
शनिवारी येथे झालेल्या हॉकी इंडियाच्या दुसऱया कनिष्ठ महिलांच्या राष्ट्रीय हॉकी स्पर्धेचे अजिंक्यपद मध्यप्रदेश हॉकी अकादमीने पटकाविले. चुरशीच्या झालेल्या अंतिम सामन्यात मध्यप्रदेशने साई अकादमीचा 2-1 अशा गोलफरकाने पराभव केला.
या अंतिम सामन्यात मध्यप्रदेश हॉकी अकादमीतर्फे भूमिका साहुने 34 व्या मिनिटाला तर रूतिका सिंगने 43 व्या मिनिटाला गोल नोंदविले. साई अकादमीतर्फे एकमेव गोल 54 व्या मिनिटाला प्रिणी कांदीरने केला. या सामन्यात मध्यंतरापर्यंत माध्यप्रदेशने साई अकादमीवर 1-0 अशी आघाडी मिळविली होती. या स्पर्धेत तिसऱया स्थानासाठी झालेल्या सामन्यात राजा करण हॉकी अकादमीने सॅल्युट हॉकी अकादमीचा 1-0 असा निसटता पराभव केला. या सामन्यातील एकमेव निर्णायक गोल 39 व्या मिनिटाला प्रितीने नोंदविला.
