एम. व्ही. हेरवाडकरचा क्रीडा महोत्सव

बेळगाव : एम. व्ही. हेरवाडकर हायस्कूलच्या क्रीडा स्पर्धांना आरपीडी कॉलेजच्या क्रीडांगणावर उत्साहात प्रारंभ झाला. उद्घाटन प्रसंगी प्रमुख पाहुणे म्हणून डॉ. लेफ्टनंट कर्नल सुनील रेवणकर उपस्थित होते. यावेळी प्राचार्या शोभा कुलकर्णी, डॉ. विश्वास गावडे, सामेश्वर हुद्दार, के. ए. हागिदळे आदी मान्यवर उपस्थित होते. मान्यवरांच्या हस्ते ध्वजारोहण करण्यात आले. विद्यार्थ्यांनी पथसंचलन करुन पाहुण्यांना मानवंदना दिली. विद्यार्थिनीनी स्वागतगीत म्हटले. पाहुण्यांच्या हस्ते क्रीडाज्योतीचे स्वागत करुन उद्घाटन झाले. वेगवेगळ्या क्रीडा प्रकारांमध्ये 500 विद्यार्थ्यांनी भाग घेतला होता. यावेळी राष्ट्रीय व राज्य स्तरीय विद्यार्थ्यांचा सत्कार करण्यात आला. यावेळी प्रमुख पाहुण्यांनी खेळाचे महत्त्व सांगितले व खेळाडू वृत्तीने खेळ करावे. यामुळे शैक्षणिक व भविष्याच्या दृष्टिने याचा प्रत्येकाला लाभ मिळतो, असे सांगितले. पथसंचलनाचे नेतृत्व हर्ष नाशिपुडी, आर्यन पै, श्रद्धा शिंगे यांनी केले. सूत्रसंचालन प्रथा काकतकर व तन्वी रेवणकर यांनी केले. पाहुण्यांची ओळख साईश देसाई यांनी केली. पलक राजपुरोहीतने आभार मानले.