कोल्हापूर :
राज्य मार्ग परिवहन महामंडळाच्या कोल्हापूर विभागाला एप्रिल 2025 मध्ये तब्बल चार कोटी आठ लाख रुपयांचा तोटा सहन करावा लागला आहे. या गंभीर स्थितीची दखल एसटीचे उपाध्यक्ष व व्यवस्थापकीय संचालकांनी घेतली असून, विभागीय पातळीवर विचारमंथन सुरू झाले आहे.
राज्यातील एकूण एसटी महामंडळाला एप्रिलमध्ये 13.56 कोटी रुपयांचा नफा झाला असतानाही कोल्हापूर विभागाचा त्यात फारसा वाटा नव्हता. नफ्याच्या तुलनेत कोल्हापूर विभागात सरासरी उत्पन्न केवळ 70 ते 80 लाखांपर्यंतच मर्यादित राहिले आहे, जे दररोजच्या दीड कोटी उत्पन्नाच्या अपेक्षेपेक्षा खूपच कमी आहे.
या घसरणीमुळे कोल्हापूर विभागाची राज्यातील क्रमवारीत 17वी स्थानावर घसरण झाली आहे. यामुळे महसुली दृष्टीने विभाग मागे पडत चालला आहे.
या संदर्भात विभाग नियंत्रक शिवराज जाधव यांच्याशी संपर्क करण्याचा प्रयत्न करण्यात आला; मात्र तो होऊ शकला नाही.
वाढ विसरून बदली राजकारण
कोल्हापूर विभागात काही अधिकारी उत्पन्न वाढीऐवजी कर्मच्रायांच्या बदल्यातच अधिक रस घेत असल्याची चर्चा आहे. एका एसटी संघटनेचा प्रमुख लिपिकांच्या विनंती बदल्यांमध्ये विशेष रस दाखवत असल्याचे बोलले जात आहे. तसेच, यांत्रिक विभागातील चालकवाहकांच्या प्रतिनियुक्तीवर लक्ष केंद्रीत असल्याने उत्पन्न वाढीसाठी आवश्यक असलेले नियोजन दुर्लक्षित होत असल्याचे काही कर्मच्रायांचे म्हणणे आहे.
या घसरणीमुळे कोल्हापूर विभागातील प्रवासी आणि विभागाची प्रतिमा यावर नकारात्मक परिणाम होण्याची शक्यता आहे. महसूल वाढीसाठी प्रवासी केंद्रित धोरण, नियमित सेवा, कर्मचारी कार्यक्षमता आणि कारभारात पारदर्शकता आवश्यक आहे. वरिष्ठ अधिक्रायांनी यावर तातडीने कारवाई करून, कोल्हापूर विभागाची घसरलेली स्थिती सुधारण्यावर भर देणे गरजेचे आहे. नाहीतर योग्य प्रशाकीय कारवाई करण्यात येईल.
डॉ. माधव कुसेकर, उपाध्यक्ष आणि व्यवस्थापकीय संचालक एसटी
- एसटी महामंडळ चालक आणि वाहक संख्या
690 एस.टी
1311 वाहक
1243 चालक
तोटयाची कारणे
एसटींची संख्या कमी
मनुष्यबळाची कमतरता
योग्य नियोजनाचा अभाव
वर्दळीच्या ठिकाणी एसटी नाहीत
आगरनिहाय एसटी संख्या
आगार संख्या
कोल्हापुर 122
संभाजीनगर 79
इचलकरंजी 79
गडहिंग्लज 74
गारगोटी 62
मलकापूर 39
चंदगड 46
कुऊंदवाड 46
कागल 59
राधानगरी 36
गगनबावडा 14
आजरा 34
