लोकमान्य सोसायटीच्या‘लोक अक्षय’ योजनेस प्रारंभ

बेळगाव : लोकमान्य मल्टीपर्पज को-ऑप. सोसायटी नेहमीच आपल्या ग्राहकोपयोगी योजना राबविते. आपल्या पारंपरिक योजनांसोबत ग्राहकांच्या मागणी आणि सोयीनुसार खास मुदत ठेव योजना सुरू केली आहे. ‘लोक अक्षय’ योजना ही ग्राहकांच्या सेवेसाठी 1 मे पासून अंमलात येत आहे. ‘लोक अक्षय’ मुदत ठेव योजना ही 28 महिने कालावधीची असून त्यात सभासदांनी किमान रु. 10 हजार किंवा 10 हजारच्या पटीत गुंतवणूक करावी लागेल. जास्तीत जास्त गुंतवणुकीसाठी कोणतीही मर्यादा नाही. या योजनेत आकर्षक व्याजदर असून त्रैमासिक चक्रवाढ व्याज मिळेल. योजनेची मुदत 30 जून 2023 पर्यंत आहे. या योजनेत पालक आपल्या पाल्याच्या नावेही गुंतवणूक करू शकतात. काही नियम व अटींवर सभासद मुदतपूर्व ठेव काढू शकतील. ‘लोक अक्षय’ योजनेत मुदत ठेवीवर कर्ज सोय योजनाही उपलब्ध आहे. लोकमान्य मल्टीपर्पज सोसायटीच्या महाराष्ट्र, कर्नाटक, गोवा आणि दिल्ली येथे 213 शाखा कार्यान्वित आहेत. अधिक माहितीसाठी लोकमान्य सोसायटीच्या नजीकच्या शाखेशी संपर्क साधावा किंवा टोल फ्री क्रमांक 1800 212 4050 वर संपर्क साधावा.