लोककल्पतर्फे कणकुंबी येथे प्रशिक्षण केंद्राचे उद्घाटन

बेळगाव : लोककल्प फाऊंडेशनतर्फे खानापूर तालुक्यातील कणकुंबी गावामध्ये लोककल्प प्रशिक्षण केंद्राचे उद्घाटन करण्यात आले. या अंतर्गत महिलांना शिलाई मशीन देण्यात येऊन तेथे प्रशिक्षणाला सुरुवात करण्यात आली. लोकमान्य मल्टीपर्पज को-ऑप. सोसायटीने खानापूर तालुक्यातील 32 गावे दत्तक घेतली आहेत. या गावांमधील ग्रामस्थांचे प्रामुख्याने महिलांचे जीवनमान सुधारावे, त्यांनी स्वावलंबी व्हावे, या हेतूने शैक्षणिक, सामाजिक, आरोग्यविषयक अनेक उपक्रम लोककल्पतर्फे राबविण्यात येतात. आता महिलांनी स्वावलंबी होण्यासाठी हे शिलाई केंद्र सुरू करण्यात आले आहे.