लोककल्प फाऊंडेशनतर्फे बसविले 20 सौरदिवे

बेळगाव : लोककल्प फाऊंडेशनने खानापूर तालुक्यातील बेटणे, चोर्ला, पारवाड व हंदीकोप्पवाडा या खेड्यांमध्ये प्रत्येकी पाच असे एकूण 20 सौरदिवे बसविले. या गावांमध्ये अद्याप विजेची सोयच नसल्याने लोककल्पने हा उपक्रम राबविला. ग्रामीण भागातील व प्रामुख्याने दुर्गम भागात राहणाऱ्या लोकांचे जीवनमान सुधारण्यासाठी लोककल्पने 32 गावे दत्तक घेतली आहेत. या गावांमध्ये लोककल्प विविध सामाजिक उपक्रम राबवून ग्रामस्थांना मदत करत आहे.