लोककल्प फाऊंडेशनतर्फे बेटणे येथे स्वेटर्स वितरण

बेळगाव : लोककल्प फाऊंडेशनतर्फे खानापूर तालुक्यातील दत्तक योजनेंतर्गत असलेल्या बेटणे गावातील शालेय विद्यार्थ्यांना स्वेटर्सचे वितरण करण्यात आले. सध्या थंडीचे दिवस असून विद्यार्थ्यांना शाळेत येताना थंडीचा त्रास होऊ नये, या हेतूने हे स्वेटर्स देण्यात आले. लोककल्पने अत्यंत योग्यवेळी स्वेटर्सची मदत केल्याबद्दल शाळेचे मुख्याध्यापक व शिक्षकांनी लोककल्पला धन्यवाद दिले आहेत. लोकमान्य सोसायटीच्या सामाजिक बांधिलकी उपक्रमांतर्गत लोककल्पच्या माध्यमातून खानापूर तालुक्यातील 32 गावांमध्ये असे उपक्रम सुरू आहेत.