बेळगाव : कपरट्टी क्रॉस (ता. गोकाक) येथील एका घरावर छापा टाकून अबकारी अधिकाऱ्यांनी 656 लिटर 64 मिली इतका बेकायदा दारूसाठा जप्त केला आहे. रविवारी रात्री ही कारवाई करण्यात आली. कपरट्टी क्रॉस येथील एका घरात 76 बॉक्स बेकायदा दारू साठविण्यात आली होती. यासंबंधीची माहिती मिळताच अबकारी अधिकाऱ्यांनी त्या घरावर अचानक छापा टाकून 3 लाख 50 हजार रुपये किमतीची बेकायदा दारू जप्त केली आहे. यासंबंधी घरमालकावर कर्नाटक अबकारी कायद्यांतर्गत एफआयआर दाखल करण्यात आला आहे. दरम्यान कुलगोड पोलिसांनीही सोमवारी 52 लिटर बेकायदा दारू जप्त केली आहे. जिल्हा पोलीसप्रमुख डॉ. संजीव पाटील यांनी यासंबंधीची माहिती दिली आहे. विधानसभा निवडणुकीच्या पार्श्वभूमीवर पोलीस व अबकारी अधिकाऱ्यांनी तपासणी आणि कारवाई तीव्र केली आहे.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
