एकूण लोकसंख्येपैकी फक्त 6 टक्के करदाते ः अमेरिकेत आहेत 60 टक्के करदाते
वृत्तसंस्था/ नवी दिल्ली
आपल्या देशात केवळ 6टक्के करदाते आहेत, ज्यांमध्ये 5.5 टक्के शून्याच्या कक्षेतील आहेत. 2020-21 मध्ये जाहीर करण्यात आलेल्या ताज्या आकडेवारीनुसार, देशाच्या एकूण 132 कोटी लोकसंख्येपैकी 8.22 कोटी करदाते होते. त्यापैकी 7.5 कोटी शून्य कराच्या कक्षेत असल्याची माहिती आहे. याचदरम्यान, मोठय़ा लोकसंख्येने भरपूर पैसा मिळवूनही कर भरला नाही. यावर केवळ सरकारच नाही तर अनेक अर्थतज्ञांनी चिंता व्यक्त केली आहे.
अशा स्थितीत केंद्र सरकारला सुमारे दीड कोटी करदात्यांच्या खर्चाने आयकर वसूल करावा लागत आहे. अमेरिकेत, 60 टक्के लोकसंख्या आयकराच्या अधीन आहे. देशातील आयकर संकलनात 48टक्के वाटा यूपी-बिहार आणि मध्यप्रदेशसह 5 राज्यांचा आहे.
केंद्राच्या एकूण कर संकलनात राज्यांचा वाटा 10.21 लाख कोटी रुपये यामध्ये यूपीमध्ये 1.8 लाख कोटी रु. म्हणजेच 18टक्केसह. बिहार 10टक्के, मध्य प्रदेश 8टक्के व महाराष्ट्र-राजस्थानचे प्रमाण 6-6टक्के आहे. करोडपती दरवर्षी 11 टक्केच्या दराने वाढत आहेत. अर्थमंत्र्यांनी राज्यसभेत दिलेल्या उत्तरानुसार 2021-22 मध्ये 10 लाख ते एक कोटी रुपये एकूण उत्पन्न असलेल्या लोकांची संख्या 77 लाख झाली. वेल्थ हुरुन इंडिया-2021 च्या अहवालानुसार, 7 कोटी रुपयांपेक्षा जास्त संपत्ती असलेल्या लोकांची संख्या एका वर्षात 11 टक्के वाढून 4.58 लाख झाली आहे.
1 कोटीहून अधिक करदात्यांची संख्या 5 हजारांहून अधिक
1 लाख रु. करदात्यांची संख्या ….. 30,08,033
1-10 लाख रु. दरम्यान कर भरणारे करदाते 27,93,463
10-50 लाख रु. करदात्यांची संख्या.. 1,96,535
50 लाख ते 1 कोटी करदात्याचा डाटा. 12,963
1 कोटीपेक्षा जास्त करदात्यांची संख्या 5,072
