संगमेश्वर प्रतिनिधी
संगमेश्वर तालुक्यातील चिखली मोहल्ला येथे बिबट्याचे पिल्लू सापडले आहे. तालुक्यातील चिखली मोहल्ला येथे समीर हुसैन हुजुरे यांचे राहते घरा मागील बाजूस बिबट्याचे पिल्लू मिळून आले आहे. याबाबत पोलीस पाटील वनविभागाशी संपर्क साधला. यानुसार वनपाल मुल्ला यांनी सहकाऱ्यांसह घटनास्थळी धाव घेत पाहणी केली.
सदरचे पिल्लू हे मादी असून त्याचे वय अंदाजे 2 ते 3 महिने आहे . या पिल्लाची पशुधन विकास अधिकारी यांनी तपासणी केली. हे पिल्लू अशक्त असल्याने अधिक उपचारासाठी वन्यप्राणी प्राथमिक उपचार केंद्र पुणे येथे तात्काळ पाठवणेत आले आहे.वाढलेली जंगलतोड आणि वनवे यामुळे वन्यजीव प्राणी मानवी वस्तीकडे येऊ लागलेले आहेत. तर भक्ष्याच्या शोधात वन्यजीवांचा मृत्यू होऊ लागलेला आहे.
