पाचवड/प्रतिनिधी
मौजे मांढरेवाडी (पो.अभेपुरी, ता.वाई) येथील मालकी डोंगरामध्ये प्रकाश बापु मांढरे यांच्या शेळीवर बिबट्याने आज हल्ला केला. यामध्ये त्यांची शेळी दगावली. या घटनेची माहिती वनविभागास दिल्यानंतर वाई वनविभागाच्या वनक्षेत्रपाल स्नेहल मगर व त्यांचे कर्मचारी यांनी घटनास्थळी धाव घेत परिसराची पाहणी केली व घडलेल्या घटनेचा पंचनामा करून प्रकाश मांढरे यांना धीर देवून सदर पशुधनाची नुकसान भरपाई देण्याची हमी दिली. तसेच गावातील ग्रामस्थांशी संवाद साधून बिबट्याबाबत योग्य माहीती देऊन खबरदारी व नागरिकांनी स्वतःची काळजी घ्यावी असे आवाहन केले.
