बेळगाव : हैदराबाद येथील इंडस नेपाळ रुद्राक्ष संस्थेच्यावतीने टिळकवाडी, महालसा ज्वेलर्स बिल्डिंग, कलामंदिर मॉलसमोर, शुक्रवार पेठ, पहिले रेल्वेगेट येथे रुद्राक्षांचे महाप्रदर्शन व विक्री गुरुवार दि. 23 एप्रिल ते 28 एप्रिल 2025 पर्यंत सकाळी 10.30 ते रात्री 8.30 या वेळेत भरविण्यात आले आहे. या प्रदर्शनाचे शेवटचे तीन दिवस शिल्लक आहेत. प्रदर्शनात विविध प्रकारच्या रुद्राक्षांचे प्रदर्शन आणि विक्री आयोजित केली आहे. रुद्राक्ष धारण करणे शुभदायक मानले जाते. रुद्राक्षसंबंधी माहिती देताना इंडस नेपाळ रुद्राक्ष संस्थेचे संचालक नरेंद्र काशीरेड्डी यांनी सांगितले की, एक मुखी रुद्राक्षपासून 21 मुखी रुद्राक्षापर्यंत प्रदर्शनात विक्रीसाठी उपलब्ध आहेत. तसेच एखाद्याच्या जन्म दिनांकावर आधारित रुद्राक्ष हवे असेल तर त्यासाठी वेदगणित शास्त्रानुसार रुद्राक्ष देण्यात येईल.
त्यासाठी पंचांग अथवा कॉम्प्युटरची आवश्यकता नाही. शाकाहारी आणि मांसाहारी व्यक्तीदेखील रुद्राक्ष धारण करून अध्यात्म प्राप्त करू शकतो,असा उल्लेख शिवपुराणात आहे. प्रदर्शनामध्ये विक्री झालेले रुद्राक्ष नकली असल्याचे सिद्ध झाल्यास विकत घेतलेल्या रकमेच्या दोनपट रक्कम आम्ही देतो. सिद्धमाळा, जपमाळा, स्पटिकमाळा, तुळशीमाळा, शाळीग्राम, शिवमाळा, ज्ञानमाळा अशा विविध प्रकारच्या रुद्राक्ष माळा प्रदर्शनात ग्राहकांना पाहायला मिळतील. शिवपुराणानुसार रुद्राक्ष माळा घातल्याने जीवनात सुख-समृद्धी, भरभराट होते. त्या अनुषंगाने ग्राहकांनी प्रदर्शनास भेट द्यावी, असे आवाहनही त्यांनी यावेळी केले. तसेच आत्तापर्यंत अनेक ग्राहकांनी प्रदर्शनास भेट दिली आहे. अधिक माहितीसाठी 7097396666 या नंबरवर संपर्क साधावा.
