क्रीडा प्रतिनिधी /बेळगाव
युनियन जिमखाना आयोजित सीगन चषक वरि÷ लेदरबॉल क्रिकेट स्पर्धेत बुधवारी खेळविण्यात आलेल्या सामन्यात लक्ष क्रिकेट अकादमीने एमसीसी संघाचा 4 गडय़ांनी तर झेन स्पोर्ट्सने शहापूर क्रिकेट क्लबचा 11 धावांनी पराभव करून प्रत्येकी 2 गुण मिळविले. विनोद तावळे, तारिक अहमद यांना सामनावीर पुरस्कार देण्यात आले. पहिल्या सामन्यात एमसीसी संघाने 19.3 षटकात सर्व बाद 79 धावा केल्या. रिहान मुल्लाने 18, कृष्णा मेणसेने 14 धावा केल्या. लक्षतर्फे प्रकाशने 8 धावात 3 तर सुमित व वसंत यांनी प्रत्येकी 12 धावात 2 गडी बाद केले. त्यानंतर लक्ष अकादमी क्रिकेट संघाने 12 षटकात 6 बाद 84 धावा करीत विजय मिळविला. विनोद तावळेने 42 धावा केल्या. एमसीसीतर्फे दादापीरने 14 धावात 3, आकाशने 1 गडी बाद केला.
दुसऱया सामन्यात झेन स्पोर्ट्स क्लबने 16.2 षटकात सर्व बाद 117 धावा केल्या. जावेदने 29, तारिक अहमदने 28 धावा केल्या. शहापूर स्पोर्ट्सतर्फे ईरन्नाने 18 धावात 3, अक्षयने 14 धावात 3, वासिमने 28 धावात 2 बळी टिपले. प्रत्युत्तरादाखल खेळताना शहापूर स्पोर्ट्स क्लब संघाचा डाव 19 षटकात सर्व बाद 108 धावात आटोपला. हरिष बेकवाडने 36 धावा केल्या. झेनतर्फे तारिक अहमदने 19 धावात 2 तर अरबाज जमादारने 14 धावात 2 गडी बाद केले. सामन्यानंतर प्रमुख पाहुण्यांच्या हस्ते सामनावीर विनोद तावळे, इम्पॅक्ट खेळाडू प्रकाश नायक तर दुसऱया सामन्यात सामनावीर तारीक अहमद व इम्पॅक्ट खेळाडू हरिष बेकवाड यांना चषक देवून गौरविण्यात आले.
