बेळगाव : सोमवारी सायंकाळी गोंधळी गल्ली येथे रस्त्याशेजारी सापडलेले लाखाचे दागिने संबंधितांना प्रामाणिकपणे स्थानिक कार्यकर्त्यांनी परत केल्याची घटना घडली. या प्रमाणिकपणाबद्दल त्यांचे कौतुक केले जात आहे. गोंधळी गल्ली येथील महेश डंगरले यांना सुमारे एक लाख रुपये किमतीची चेन, कर्णफुले, अंगठी आदी सोन्याचे दागिने असलेले पाऊच सापडले. त्या पाऊचमध्ये दागिने खरेदी केलेले बिलही होते. नार्वेकर गल्ली येथील धीरज पाटील यांच्यासोबत महेश यांनी खडेबाजार पोलीस स्थानक गाठले. तत्पूर्वी त्या बिलावरील मोबाईल क्रमांकावरून संबंधितांना दागिने सापडल्याची माहिती दिली. दरबार गल्ली येथील तानिया एम. रंगरेज यांचे ते दागिने होते. सोमवारी सायंकाळी खडेबाजार पोलीस स्थानकात पोलीस उपनिरीक्षक आनंद आदगोंडा यांच्या समक्ष दागिन्यांचे पाऊच संबंधितांना परत करण्यात आले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
