मराठा समाजाच्या नाव नोंदणीसाठी क्षत्रिय मराठा परिषदेतर्फे जागृती

बेळगाव : मागासवर्ग आयोगामार्फत होणाऱ्या सामाजिक व शैक्षणिक सर्वेक्षणासंदर्भात मराठा समाजाच्या नाव नोंदणीसाठी क्षत्रिय मराठा परिषदेतर्फे जनजागृती बैठक नुकतीच झाली. एकदंत सोसायटीच्या कार्यालयात झालेल्या बैठकीच्या अध्यक्षस्थानी क्षत्रिय मराठा परिषदेचे जिल्हा उपाध्यक्ष दिलीप पवार होते. 22 सप्टेंबरपासून सामाजिक व शैक्षणिक सर्वेक्षणाला सुरुवात होणार आहे. मराठा समाजातील प्रत्येक बंधू-भगिनींनी सर्वेक्षणाला सहकार्य करावे. धर्म हिंदू, जात मराठा, पोटजात कुणबी, मातृभाषा मराठी असे नमूद करण्याचे आवाहन बैठकीत करण्यात आले. प्रास्ताविक बेळगाव ग्रामीण क्षत्रिय मराठा परिषदेचे अध्यक्ष डी. बी. पाटील यांनी केले. जिल्हा सचिव संजीव भोसले, सतीश बाचीकर, बसवराज मेगुटी, अॅड. एस. एस. मोरे, कॅप्टन चांगाप्पा पाटील, बी. एच. बिळगोजी आदी बैठकीला उपस्थित होते.