सावंतवाडी : प्रतिनिधी
श्रीराम वाचन मंदिर आणि क्रीडा भुवन सावंतवाडी यांच्यावतीने देशभक्त प्रभाकरपंत कोरगावकर व्याख्यानमाला १६ ते २० जानेवारी २०२३ या कालावधीत सायंकाळी ६ वाजता श्रीराम वाचन मंदिर येथे आयोजित केली आहे. या व्याख्यानमालेचे उद्घाटन सोमवार १६ जानेवारीला सायंकाळी ६ वाजता पालकमंत्री रवींद्र चव्हाण यांच्या हस्ते होणार आहे. सोमवार १६ जानेवारीला बेळगाव येथील प्राध्यापक आनंद मेणसे यांचे जागतिक फैसिझमचे संकट या विषयावर व्याख्यान होणार आहे. अध्यक्षस्थानी प्राचार्य डॉ. श्रीकांत सावंत आहेत.प्रा. मेणसे हे लेखक, कामगार नेते, सहकार चळवळीतील कार्यकर्ते, महाराष्ट्र कर्नाटक सीमा लढ्याचे बिनिचे शीलेदार आहेत. दिवंगत नरेंद्र दाभोळकर आणि गोविंद पानसरे यांची चळवळ ते पुढे नेत आहेत.
