Kolhapur Accident News : कोल्हापुरातील संभाजीनगर बस स्थानक परिसरात एसटी बस खाली सापडून एक पादचारी ठार झाला आहे. दुपारी बारा वाजताच्या दरम्यान ही घटना घडली असून, जखमीचा उपचारादरम्यान मृत्यू झाला आहे. शिवाजी शंकर दिंडोर्ले असे या पादचाऱ्याचे नाव असून त्यासंबंधीची अधिक माहिती घेण्याचे काम सुरू आहे.
घटनास्थळावरून मिळालेली माहिती अशी की, आज बारा वाजण्याच्या सुमारास कोल्हापूर संभाजीनगर बसस्थानक परिसरात एसटी आली असता, त्या खाली एक पादचारी सापडला. एसटीची दोन्ही बाजूची चाके त्याच्या अंगावरून गेली असल्याची सांगण्यात आले. त्यात पादचारी गंभीर जखमी झाला. त्यातच त्याचा मृत्यू झाल्याची माहिती मिळत आहे.
