पेठ वडगाव / प्रतिनिधी
येथील मानवी वस्तीत आलेल्या दुर्मिळ विषारी पोवळा जातीच्या सापाला सर्पमित्र खंदारे, निसर्गप्रेमीमित्र ग्रुपचे सर्पमित्र डॉ. शुभम करडे व अन्य सहकाऱ्यांनी सुरक्षित पकडुन नैसर्गिक अधिवासात सोडून जीवदान दिले.
पोवळा हा वाळ्या सारख्या दिसणारा व वाळ्यापेक्षा काहीसा मोठा साप आहे.या सापाचे विष मज्जा संस्थेवर परिणाम करत असल्यामुळे चावल्यास सूज येणे, चक्कर येणे, बेशुद्ध पडणे अशी लक्षणं दिस्तातात. चावलेला भागात यातना होतात. वीस ते तीस मिनिटांनी श्वसन क्रियेत अडथळा येण्याची शक्यता असते. मात्र, आकाराने लहान असल्याने हा साप अन्य प्राण्यांच्या भक्ष्यस्थानी पडतो. हा साप लाजाळू असतो. दगड मातींमध्ये याचे वास्तव्य असते.
महाराष्टासाहित संपूर्ण भारतभर आढळतो. वन्य जीव संरक्षण कायदा अंतर्गत वन्यजीवांच्या वर्गवारीत शेड्युल टू मध्ये समाविष्ट आहे. हा साप दुर्मिळ होत चालला आहे. अशा दुर्मिळ सापांच रक्षण करणे आपले कर्तव्य आहे. सर्वच साप निसर्गातील महत्वाचे घटक आहेत त्यामुळे पेठ वडगाव परिसरात निसर्गप्रेमी मित्र ग्रुप चे दहा सर्पमित्र सापांना वाचवण्यासाठी नेहमी तत्पर असतात. नागरिकांनी मानवी वस्तीत साप आल्यास सर्पमित्रांना संपर्क साधावा असे आवाहन ग्रुप कडून करण्यात आले आहे.
