Nrusinhwadi : श्री क्षेत्र नृसिंहवाडी येथील दत्त मंदिरात चालू सालातील पहिला दक्षिण द्वार सोहळा दुपारी एक वाजता संपन्न झाला. अधिक महिना व रविवार यामुळे भाविकांनी दर्शनासाठी गर्दी केली. उसंत घेतलेल्या पावसाने कोल्हापूर सांगली, सातारा जिल्ह्यात पुन्हा एकदा हजेरी लावल्याने मंदिरात आलेले कृष्णा नदीचे ओसरलेल्या नदीच्या पाण्यात पुन्हा वाढ झाली आणि आज दुपारी एक वाजता चालू सालातील पहिला दक्षिण द्वार सोहळा संपन्न झाला.
भाविकांनी दिगंबरा दिगंबराच्या व ‘श्री गुरुदेव दत्त’च्या गजरात दक्षिण द्वार सोहळ्यात स्नानाचा लाभ घेतला. दक्षिणद्वार सोहळ्याची माहिती इलेक्ट्रॉनिक मीडियामुळे प्रसारित झाल्याने सांगली, कोल्हापूर, इचलकरंजी, मिरज आधी ठिकाणाहून भाविकांनी स्नान व दर्शनासाठी हजेरी लावली भाविकांची गर्दी लक्षात घेता श्री नृसिंह सरस्वती स्वामी दत्त देव संस्थान मार्फत जादा सुरक्षा रक्षकांची नेमणूक केली आहे. दरम्यान, श्रींची उत्सव मूर्ती दर्शनासाठी प. पू श्री नारायण स्वामी यांचे मंदिरात ठेवण्यात आली आहे. नृसिंहवाडी व औरवाड यांना जोडणारा जुना पूल पाण्याखाली गेला आहे.
