भरधाव असलेली चार चाकी पलटी मारत ओढ्यात कोसळून दोघेजण ठार झाल्याची घटना कोल्हापूर जिल्ह्यातील भुदरगड तालुक्यातील गारगोटी पाटगाव रस्त्यावर घडली आहे. यामध्ये तांबळे अनुप खुर्द येथे राहणारे 22 वर्षीय आदिल कासम शेख जहीर जावेद शेख हे दोन तरुण जागीच ठार झाले आहेत तर साहिल मुबारक शेख हा तरुण जखमी झालाय.
आज दुपारी साडेबारा ते एक वाजण्याच्या सुमारास हे तिघेजण आपल्या चार चाकीतून अनफ खुर्द इथून अनफ बुद्रुकच्यायला दिशेने निघाले होते मात्र दासेवाडी इथ आल्यावर आदीलचा भरधाव गाडीवरील ताबा सुटून गाडी पलट्या मारत एका पुलावरून ओढ्यात कोसळली. आज सायंकाळी आदिल आपल्या कुटुंबीयांसमवेत कोल्हापूरला नवीन चार चाकी आणण्यासाठी जाणार होता मात्र नवीन चार चाकी आणण्यापूर्वीच आदिल सह जहीर याच्यावर काळाने घाला घातला.या घटनेची माहिती मिळताच परिसरातील नागरिकांनी गाडीतील जखमींना बाहेर काढण्यास सुरुवात केली.
