मुख्यमंत्री शिंदे गटाचे खासदार धैर्यशील माने यांची गाडी शिवसैनिकांनी अडवल्याची घटना घडली असून शिवसेना पक्षप्रमुख उद्धव ठाकरे यांच्याशी गद्दारी का केली? असा जाब खासदर माने यांना पक्षाच्य़ा कार्यकर्त्यांनी विचारला.
पहा Video >>>> खा. धैर्यशील माने यांची गाडी ठाकरे गटाच्या शिवसैनिकांनी अडवली
शिवसेनेतील बंडखोरीनंतर भाजपशी संधान साधून सत्ता स्थापन केल्यानंतर शिंदे गटातील आमदारांना आणि खासदारांना शिवसैनिकांच्या रोषाला सामोरे जावे लागल्याच्य़ा घटना राज्यभरातून समोर येत आहेत. कोल्हापूरातही असा प्रकार आज पहायला मिळाला. शिंदे गटाचे खासदार धैर्यशिल माने आज चंदुर येथे एका कार्यक्रमाला आले असताना ठाकरे गटाच्या शिवसैनिकांनी त्यांची गाडी अडवून शिवसेने बरोबर गद्दारी का केली ? असा जाब विचारला.
खासदार माने यांची गाडी येत असल्याचे पाहून ठाकरे गटाचे शिवसैनिक अधिक आक्रमक झाल्याचे दिसून आले. यावेळी त्यांनी माने यांच्या विरोधात ‘पन्नास खोके…एकदम ओके’च्या घोषणा देण्यात दिल्या. यावेळी पोलीस आणि शिवसैनिकांमध्ये झटापटी झाल्याने वातावरण तणावपुर्ण बनल्याने पोलिसांनी ठाकरे गटाच्या शिवसैनिकांना घेतले ताब्यात घेतले.
