कोल्हापूरातील राजारामपूरी येथे गर्भलिंग निदान करणाऱ्या हॉस्पिटलवर आज छापा टाकण्यात आला असून एका हॉस्पीटलवर ही कारवाई करण्यात आली आहे. ह्या घटनेचा व्हिडियो सोशलमीडीयावर व्हायर झाला असून त्याची चर्चा आज दिवसभर शहरात सुरू आहे.
प्राथमिक मिळालेल्या माहीतीनुसार, जारामपूरीतील श्री हॉस्पीटलवर पोलीसांनी हा छापा टाकला असून हॉस्पीटलमधील सोनोग्राफी मशीन बंद असल्याचे दाखवून गर्भलिंगनिदान केले जात होते. या कारवाई दरम्यानचा व्हिडियो व्हायरल झाला असून यामध्ये हॉस्पीटलचे डॉक्टर गर्भलिंगनिदानासाठी 15 हजार घेताना दिसत आहे. पोलीसांनी डॉक्टरांना 15 हजार घेताना रंगेहाथ पकडले असून हॉस्पीटल वर कायदेशीर कारवाई चालू आहे.
