करंजफेण वार्ताहर
मागील दोन दिवसांपासून शाहूवाडी तालुक्यात मुसळधार पाऊस पडत असल्यामुळे कासारी नदी दुथडी भरून वाहू लागली आहे. मुसळधार पावसामुळे बर्की धबधबा प्रवाहित झाल्यामुळे या ठिकाणी पर्यटकांची गर्दी वाढली आहे, परंतु अचानक पाऊस वाढल्यामुळे बर्की बंधारा पाण्याखाली गेल्यामुळे जवळपास 70 हून अधिक पर्यटक बर्की येथे अडकले आहेत. बाहेर पडण्यास अन्य कोणताही मार्ग नसल्यामुळे बंधाऱयावरील पाणी कमी होईपर्यंत पर्यटकांना वाट पाहावी लागणार आहे. पुढील दोन दिवस असाच पाऊस राहिल्यास पूरस्थिती निर्माण होऊ शकते त्यामुळे महसूल विभागाकडून कासारी परिसरातील लोकांना सावधानतेचा इशारा देण्यात आला आहे. तसेच बर्की धबधब्याकडे पर्यटकांनी येऊ नये असा इशारा देण्यात आला आहे
