आर्थिक वादातून खुनाची चर्चा; संशयित ताब्यात
कुपवाड / प्रतिनिधी
कुपवाड शहरातील बामनोली रस्त्यावरील एका ऑनलाईन कॅसीनो सेंटर चालकाचा बुधवारी भरदुपारी धारदार शस्त्राने भोकसून खून झाल्याची खळबळजनक घटना घडली आहे. प्रशांत महादेव नवाळे (वय ५५, रा. कापसे प्लॉट, कुपवाड) असे खून झालेल्याचे नाव आहे.
हा खून आर्थिक देवाण-घेवाणीतून झाल्याची घटनास्थळी चर्चा सुरू होती. याबाबत कुपवाड पोलिसात नोंद झाली असून पोलिसांनी एका संशयितास हत्यारासह ताब्यात घेतले आहे.
