कोल्हापूर : घरफळा घोटाळ्यातील दोषी तत्कालीन कर निर्धारक संजय भोसले यांना निलंबित करण्यासाठी आज आरपीआयसह नगरसेवक भूपाल शेटे आणि नागरिकांनी बोंब मारो आंदोलन केले. लोकविकास आघाडीसह विविध पक्ष संघटना आणि राजेंद्र नगर, सुभाष नगर येथील नागरिक या आंदोलनात सहभागी झाले होते. दरम्यान, आंदोलन कर्त्यांनी महापालिकेसमोर ठिय्या आंदोलन करत जोपर्यंत भोसले याच्यावर कारवाई होत नाही, तोपर्यंत ठिय्या आंदोलन सुरुच राहिल असेल इशारा दिला आहे.
गेल्या अनेक वर्षांपासून कोल्हापूर महानगरपालिका घोटाळा राज्यात गाजला आहे. यातील दोषी कर निरीक्षक संजय भोसले यांच्यावर अद्याप कारवाई झालेला नाही. दोषीवर कारवाई व्हावी यासाठी आज हे बोंब मारून आंदोलन केले.
