फेंड़ा : जिल्हा व सत्र न्यायालय डिचोली येथे अधिक्षक म्हणून कार्यरत असलेले किशोर कवळेकर यांना नुकतीच उत्तर गोवा जिल्हा आणि सत्र न्यायालाचे मुख्य प्रशासकीय अधिकारी म्हणून बढती मिळाली आहे. बढतीनंतर पणजी येथील जिल्हा व सत्र न्यायालय,उत्तर गोवा येथे त्यांची नियुक्ती करण्यात आली आहे. विभागीय पदोन्नती समिती (डिपीसी) व माननीय उच्च न्यायालय मुंबई यांच्या मान्यतेच्या अनुषंगाने भरती नियमाअंतर्गत रजिस्ट्रार यांनी सुचित केल्यानंतर किशोर कवळेकर यांची अधिक्षक पदावरून पदोन्न्ती करीत मुख्य प्रशासकीय अधिकारी म्हणून नियुक्ती करण्यात आल्याचे परिपत्रक जारी करण्यात आले आहे. उत्तर गोव्यातील विविध न्यायालयात यापुर्वी त्यांनी विविध पदावर काम केले आहे. दिर्घ सेवेनंतर त्याना प्रशासकीय अधिकारी म्हणून बढती मिळाली आहे. उत्तर गोव्यातील जिल्हा आणि सत्र न्यायालय पेडणे, डिचोली, म्हापसा, फोंडा व पणजी या न्यायालयाचा कार्यभर ते सांभाळणार आहेत. अंत्यत कर्तव्यदक्ष अधिकारी म्हणून त्याचा नावलौकिक आहे. वयाच्या 19 व्या वर्षी ते न्यायालयीन सेवेत रूजू झाले होते. मागील 34 वर्षापासून ते न्यायालयीन सेवेत कार्यरत आहेत.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
