मोर्ले सत्तरी येथील घटना : बालिका गंभीर जखमी,गोमेकॉत घेतेय उपचार,परप्रांतीय मजुराला अटक
वाळपई : मोर्ले देऊळवाडा येथे चिरेखाणीवर काम करणाऱ्या मजुराच्या अल्पवयीन मुलीच्या डोक्मयावर दगड घालून तिचा खून करण्याचा प्रयत्न केल्याची घटना सोमवारी घडली आहे. याप्रकरणी वाळपई पोलिसांनी त्याच चिरेखाणीवर काम करणारा मध्य प्रदेश येथील कामगार रामसेवक सदू ठाकूर (वय 23) याला अटक केली आहे. आपली 5 वषीय मुलगी बेपत्ता असल्याची तक्रार तिच्या आईने वाळपई पोलिसस्थानकावर केली होती. सोमवारी संध्याकाळी साडेसहा वाजल्यापासून ती बेपत्ता होती. आसपास भागामध्ये मुलीच्या पालकांसह तेथील कामगारांनी तसेच स्थानिकांनी शोध घेतला. मात्र ती मुलगी सापडली नाही. वाळपई पोलीस स्थानकावर या प्रकरणी तक्रार दाखल करण्यात आल्यानंतर पोलिसांनी शोध मोहीम जारी केली.
रात्रभर राबविली शोध मोहीम
पोलिसांनी स्थानिकांसमवेत शोध मोहीम सुरू केली. सभोवतालचा परिसर व जंगल भागही पिंजून काढला. मात्र ती सापडू शकली नाही. वाळपई पोलिसांना चिरेखाणींवर चौकशी करताना त्या ठिकाणी काम करणारा रामसेवक सदू ठाकूर हा तेथे नसल्याचे आढळून आले. पोलिसांनी त्याची चौकशी करून संशयित म्हणून त्याला ताब्यात घेतले.
संशयिताकडून अपहरणाची कबुली
पोलिसांच्या चौकशीदरम्यान, सदर मुलीचे आपण अपहरण केले असून तिला जिवंत मारण्याचा प्रयत्न केल्याची कबुली संशयिताने दिली. रामसेवक याला सोबत घेऊन पोलिसांनी दोन वेळा घटनास्थळी नेऊन त्या बालिकेचा शोध घेतला. तरीही ती सापडू शकली नाही. शेवटी पहाटे शोध घेत असताना एका निर्जनस्थळी सदर अल्पवयीन मुलगी गंभीर जखमी अवस्थेत आढळली. उत्तर गोवा पोलीस अधीक्षक अक्षथ कौशल, डिचोली पोलिस उपअधीक्षक सागर एकोस्कर यांच्या मार्गदर्शनाखाली पोलीस निरीक्षक राहुल नाईक, पीएसआय विष्णू जाधव, एचसी झिंगू गावकर, सुहास गावकर, पीसी गौरेश नाईक, प्रशांत सुतार, आकाश ठाकूर, शंकर पेडणेकर, देवा गावडे, प्रसन्ना नाईक, सिद्धेश गावस यांच्या पथकाने तपासाकामात विशेष परिश्र्रम घेतले. पोलिसांनी संशयित ठाकूर याने ती मृत झाल्याचे समजून त्या स्थानावरून पळ काढला. मात्र ती गंभीर अवस्थेत जखमी झाली होती. पहाटे ज्यावेळी ती सापडली त्यावेळी तिच्या डोक्मयातून मोठ्या प्रमाणात रक्तस्त्राव सुरू होता. वाळपई पोलिसांनी तिला ताबडतोब सांखळी सरकारी ऊग्णालयात दाखल करून प्रथमोपचार केले व त्यानंतर पुढील उपचारासाठी गोमेकॉत पाठविले.
अधीक्षक, उपअधीक्षकांकडून घटनास्थळी पाहणी
उत्तर गोवा पोलीस अधीक्षक अक्षथ कौशल व डिचोलीचे उपअधीक्षक सागर एकोस्कर यांनी मंगळवारी सकाळी घटनास्थळी पाहणी करून माहिती जाणून घेतली.
बेकायदा चिरेखाणींमुळे भागात अशांतता!
बेकायदा चिरेखाणीमुळे गावांमध्ये अशांतता व तणावाची स्थिती निर्माण होण्याची शक्मयता नागरिकांनी व्यक्त केली आहे. त्यामुळे अशा चिरेखाणी ताबडतोब बंद करण्यासाठी सत्तरी उपजिल्हाधिकारी, मामलेदार व पोलिसांनी संयुक्तपणे कारवाई करावी, अशी मागणी केली आहे.
