वृत्तसंस्था/ नवी दिल्ली
खेलो इंडिया यू-21 महिला हॉकी लीगमध्ये फेज एकमधील लढतीत साई अ, हर अकादमी, साई ब संघांननी आपापल्या प्रतिस्पर्ध्यांवर विजय नोंदवले.
पहिल्या सामन्यात साई अ संघाने भाई भेलो हॉकी अकादमीवर 13-0 असा एकतर्फी विजय मिळविला. शशिकलाने 4, मोनिका नागने 3, पूनम मुंडू, केइसम देवी, देवगी कंदिर, संजना होरो, सुनीता कुमारी, साक्षी शुक्ला यांनी एकेक गोल नोंदवले. दुसऱया सामन्यात हर हॉकी अकादमीने स्पोर्ट्स हॉस्टेल ओडिशाचा 2-0 असा पराभव केला. पूजा साहू व कर्णधार कमला सिंग यांनी विजयी संघाचे गोल केले. हर हॉकी अकादमीला विजयाचे तीन गुण मिळाले. तिसऱया व शेवटच्या सामन्यात साई ब संघाने घुमनहेरा रायजर्स अकादमी संघावर 7-1 अशी मात केली. निलम कच्छपने 2, दिव्या, पंदना गणपती, ईशा श्रीवास्तव, लालरिनपुई, प्रियांका डोगरा यांनी साई ब चे गोल नोंदवले तर मनजिंदरने घुमनहेरा रायजर्स अकादमीचा एकमेव गोल केला.
