खानापूरच्या भूषणची राष्ट्रीय स्पर्धेत चमक

बेळगाव : प्रयागराज उत्तर प्रदेश येथे घेण्यात आलेल्या 23 व्या राष्ट्रीय ज्युनिअर (20 वर्षेखलील स्पर्धेत) फेडरेशन अथलेटिक चॅम्पयिनशिप स्पर्धेमध्ये बेळगावच्या भूषण पाटील याने कांस्यपदक पटकावित घवघवीत यश संपादन केले आहे.या स्पर्धेत 400 मी. अडथळा स्पर्धेमध्ये कर्नाटक संघाचे प्रतिनिधित्व करत भूषण पाटील 52.21 इतका वेळ पूर्ण  करून कांस्यपदक पटकविला आहे. या स्पर्धेत त्यांनी नवा विक्रम नोंदविला आहे. यापूर्वीचा  52.55 हा विक्रम मागे टाकात बेळगावच्या भुषणने राष्ट्रीय स्पर्धेत नवा विक्रम रचला आहे. भूषणला प्रशिक्षक ज्ञानेश्वर डुक्करवाडकर, अमर डुक्करवाडकर यांचे बहुमूल्य मार्गदर्शन लाभत आहे, व लिंगराज महाविद्यालयाचे क्रीडा निर्देशक डॉ.रामराव, वडील सुनील पाटील यांचे प्रोत्साहन लाभत आहे.