‘चेतना मार्च’ काढण्यापूर्वीच अमृतसरमध्ये कारवाई
वृत्तसंस्था /अमृतसर
पंजाबमध्ये खलिस्तानी समर्थक आणि ‘वारीस पंजाब दे’चे प्रमुख अमृतपाल सिंगची आई बलविंदर कौर यांना अटक करण्यात आली आहे. ‘चेतना मार्च’च्या एक दिवस आधी त्यांच्यावर कारवाई करण्यात आली. अमृतपालची आई बलविंदर कौर सोमवारी मोर्चा काढणार होत्या. याआधी त्यांना अमृतसरमध्ये अटक करून त्यांच्यावर गुन्हाही दाखल करण्यात आला.
बलविंदर कौर आपला मुलगा अमृतपाल सिंग याला आसाम तुऊंगातून पंजाबच्या तुऊंगात हलवण्याच्या मागणीसाठी मोर्चा काढणार होत्या. त्यापूर्वी रविवारी सायंकाळानंतर पोलिसांनी अमृतपाल सिंगच्या आईला ताब्यात घेण्यात आले. पोलिसांनी आई बलविंदर कौरसह मामा सुखचैन सिंग आणि इतर तिघांविऊद्धही गुन्हा दाखल केला आहे. खबरदारीचा उपाय म्हणून बलविंदर कौरला अटक करण्यात आल्याचे पोलिसांनी सांगितले.
गेल्यावर्षी एप्रिलमध्ये खलिस्तानी फुटीरतावादी नेता अमृतपाल सिंग याला अटक करण्यात आली होती. अमृतपाल सिंग आणि त्याचे नऊ साथीदार सध्या आसाममधील दिब्रुगड तुऊंगात आहेत. गेल्यावषी अमृतपाल सिंह आणि त्यांच्या काही समर्थकांनी पंजाबमधील अजनाला पोलीस स्टेशनवर हल्ला केला होता. अनेक दिवसांच्या संघर्षानंतर पोलिसांनी अमृतपाल सिंगला अटक केली. अटकेनंतर न्यायालयीन कोठडी मिळताच त्याची रवानगी आसाममधील दिब्रुगड तुऊंगात करण्यात आली आहे.
