केरळ प्रथमच अंतिम फेरीत

वृत्तसंस्था/ चांगनासेरी, केरळ
येथे सुरू असलेल्या 53 व्या वरिष्ठांच्या पुरुष हँडबॉल चॅम्पियनशिपमध्ये केरळ संघाने प्रथमच अंतिम फेरी गाठली आहे. उपांत्य फेरीत केरळने सेनादलाचा 23-21 असा फरकाने पराभव केला.
53 वर्षात प्रथमच केरळला या स्पर्धेची अंतिम फेरी गाठण्यात यश आले. सेंट बेर्चमन्स कॉलेज मैदानावर चंदिगडविरुद्ध जेतेपदासाठी लढत होईल. चंदिगडने दुसऱ्या उपांत्य सामन्यात इंडियन रेल्वेचा 32-30 असा असा पराभव करून अंतिम फेरी गाठली आहे.