लोकसभा निवडणूक लढविण्यास इच्छुक : किरण कांदोळकर

म्हापसा : माजी पर्यटन मंत्री दिलीप पऊळेकर यांच्यानंतर आता थिवीचे माजी आमदार किरण कांदोळकर यांनीही कार्यकर्त्यांच्या आग्रहास्तव लोकसभा निवडणूक लढविण्यास इच्छूक असल्याचे पत्रकारांशी बोलताना सांगितले. कोलवाळ सरपंचाची निवड झाल्यावर कांदोळकर पत्रकारांशी बोलत होते. कांदोळकर म्हणाले, की लोकसभा निवडणूक  10 महिन्यांवर येऊन ठेपली आहे. ही निवडणूक लढविण्याची आपल्या कार्यकर्त्यांनी इच्छा आहे. पक्ष कोणता हे अद्याप ठरविला नाही. प्रथम मानसिकता तयार केली पाहिजे. आपल्यास राज्यातील काही लोकांचेही फोन येतात, असे कांदोळकर म्हणाले. श्रीपाद नाईक, दिलीप पऊळेकर आणि आता तुम्हीही माजी आमदार लोकसभा निवडणूक लढविण्यास तयार आहात अशावेळी तुमची भूमिका काय असेल? यावर ते म्हणाले, दिलीप, श्रीपाद भाजपमध्ये आहेत. आपण कुठल्याच पक्षाला बांधील नाही. बहुजन समाजाचा प्रश्न निर्माण झाला तर आपले भाऊंशी काही वैरत्व नाही. मात्र पाचवेळा निवडून आल्याने एन्टीइनकमबन्सी प्रश्न उपस्थित होतो.  ते भाजपच्यावतीने निवडणुकीत उतरतात तेच दरवेळी हवेत, असे काही नाही. येथे कुणीही रिंगणात उतरू शकतो. संविधानात सर्वांना अधिकार आहे. कार्यकर्त्यांची एक मानसिकता तयार झालेली आहे. आम्ही आमचे काम करीत राहावे, असे   कांदोळकर म्हणाले. बहुजन समाजाचेच सर्वजण आगामी लोकसभा निवडणुक रिंगणात उतरू लागले तर ही समाजात पडणार फुट नाही का ? या प्रश्नावर बोलताना कांदोळकर म्हणाले की, दोन्हीकडे बहुजन समाज बसले तर वाईट नाही. येथे राखिवता नाही. श्रीपाद नाईक कधीच बिनविरोध निवडून आले नाहीत. त्यांच्या विऊद्ध कोण ना कोण असणारच त्यात आपण झालो तर काय झाले, असे सांगून  निवडणूक लढविण्याची इच्छा प्रकट केली आणि हा निर्णय पक्का झालेला आहे असे किरण कांदोळकर म्हणाले.