बेळगाव : सांस्कृतिक भवन गांधी नगर बेळगाव येथे कराटेची बेल्ट परीक्षा पार पडली. या परीक्षेत एकूण 42 कराटेपटू सहभागी झाले होते. बेळगाव जिल्ह्याचे मुख्य परीक्षक गजेंद्र काकतीकर यांच्या मार्गदर्शनाखाली ही परीक्षा घेण्यात आले. काव्या बडिगेर ही गेल्या सात वर्षापासून किल्ला येथील कराटे क्लासमध्ये सतत सराव करीत आहे. तिने राष्ट्रीय आणि आंतरराष्ट्रीय कराटे स्पर्धेत सहभागी होऊन विविध ठिकाणी पदके मिळविली. इंडियन कराटे क्लब व बेळगाव जिल्हा स्पोर्ट्स कराटे असोसिएशनचे अध्यक्ष गजेंद्र काकतीकर यांच्या हस्ते काव्या बडिगेर हीला ब्लॅकबेल्ट, प्रमाणपत्र आणि स्मृतीचिन्ह देऊन गौरव करण्यात आले. तसेच तिचे प्रशिक्षिका नताशा नितिन खानापूरकर यांचे तिला मार्गदर्शन लाभत आहे. परीक्षा यशस्वी करण्यासाठी इंडियन कराटे क्लबच्या हेमलता काकतीकर व प्रशिक्षक विठ्ठल भोजगार, प्रभाकर किल्लेकर, परशुराम काकती, निलेश गुरखा, हरीष सोनार, विनायक दंडकर, प्रमोद इळिगेर, सिध्दार्थ ताशिलदार, श्रेया येळ्ळूरकर, रतिक लाड, सिध्दांत करडी, कृष्णा देवगाडी यांनी विशेष परिश्रम घेतले.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
