वृत्तसंस्था/ बर्लिन
विम्बल्डन ग्रँडस्लॅम टेनिस स्पर्धेपूर्वीच्या येथे शनिवारी झालेल्या बॅड होमबर्ग खुल्या डब्ल्यूटीए टूरवरील सरावाच्या शेवटच्या स्पर्धेत कॅटरिना सिनियाकोव्हाने एकेरीचे अजिंक्यपद पटकावले.
महिला एकेरीच्या अंतिम सामन्यात सिनियाकोव्हाने लुसिया ब्रोन्झेटीचा 6-2, 7-6(7-5) अशा सेट्समध्ये पराभव केला. झेकच्या 27 वर्षीय सिनियाकोव्हाचे डब्ल्यूटीए टूरवरील स्पर्धेतील हे चौथे तर ग्रासकोर्टवरील स्पर्धेतील पहिले विजेतेपद आहे. या स्पर्धेत 2021 साली सिनियकोव्हाने उपविजेतेपद पटकावले होते. पोलंडच्या टॉप सिडेड स्वायटेकने प्रकृती नादुरुस्तीमुळे या स्पर्धेच्या उपांत्य फेरीतून माघार घेतली होती. सिनियाकोव्हा आता सोमवारपासून सुरू होणाऱ्या विम्बल्डन ग्रँडस्लॅम स्पर्धेत सहभागी होत आहे.
