आशियाई, विश्व स्पर्धेसाठी कर्नाटक संघ रवाना

बेळगाव : इंडियन बॉडी बिल्डर फेडरेशन मान्यताप्राप्त, महाराष्ट्र बॉडी बिल्डांग संघटनेतर्फे आयोजित पुणे येथे आशियाई व विश्व चॅम्पियनशिप बॉडी बिल्डींग स्पर्धेसाठी कर्नाटकाचा संघ रवाना झाला आहे. पुणे येथे जून महिन्याच्या पहिल्या आठवड्यात आशियाई व विश्व शरीरसौष्ठव स्पर्धेसाठी निवड चाचणी आयोजित करण्यात आली आहे. या निवड चाचणीसाठी कर्नाटकाचा संघ पुण्याला रवाना झाला आहे. त्यामध्ये 70 किलो वजनी गटात व्यंकटेश किशोर ताशिलदार-बेळगाव, 75 किलो वजनी गटात मास्टरसाठी प्रशांत खन्नुकर-बेळगाव, 75 किलो वजनी गटात अफरोज ताशिलदार-बेळगाव, 80 किलो वजनी गटात श्रीनिधी ए. जे. व कुमार के. तर 85 किलो वजनी गटात व्ही. बी. किरण, मेन्स फिजीकसाठी राघवेंद्र सोमपूर व भरत उमेश आदी खेळाडूंचा समावेश आहे. या संघासमवेत आयबीबीएफचे अध्यक्ष स्वामी नारायण, ज्येष्ठ शरीरसौष्ठवपटू प्रेमचंद डिग्रा, एशियन शरीरसौष्ठव संघटनेचे सचिव चेतन पठारे आहेत.