बेळगाव : पोलीस खात्यातील विविध त्रुटी दूर करण्याच्या मागणीसाठी कर्नाटक पोलीस हितरक्षण संघाच्यावतीने मंगळवारी सुवर्ण विधानसौधसमोर आंदोलन करण्यात आले. पोलिसांना केवळ आठ तास काम द्यावे, या प्रमुख मागणीसह पोलीस कॉन्स्टेबल भरती ही बेंगळूरपुरती मर्यादित न ठेवता ती संपूर्ण राज्यासाठी करावी, अशी मागणी निवेदनाद्वारे राज्य सरकारला करण्यात आली. आरोग्य भाग्य योजनेंतर्गत सर्व आजारांवर मोफत उपचार करण्यात यावेत. पोलिसांना एक महिन्याचा वाढीव पगार देण्याची घोषणा निवडणुकीच्या जाहीरनाम्यात करण्यात आली होती. परंतु, दोन वर्षे होत आली तरी अद्याप राज्य सरकारकडून वाढीव पगार देण्यात आलेला नाही. रात्रपाळी करणाऱ्या पोलिसांना दरमहा पाच हजार रुपये मानधन देणे गरजेचे आहे. यासह विविध मागण्यांसाठी आंदोलन करण्यात आले. राज्यभरातील कर्मचारी यामध्ये सहभागी झाले होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
