वृत्तसंस्था/ चेन्नई
येथे सुरू असलेल्या वरिष्ठांच्या राष्ट्रीय पुरुष हॉकी स्पर्धेत रविवारी झालेल्या सामन्यात कर्नाटक, हरियाणा, तामिळनाडू, दिल्ली, ओडिशा यांनी आपापल्या प्रतिस्पर्ध्यांवर विजय मिळविले.
दिवसातील पहिल्या सामन्यात कर्नाटकने दादरा व नगर हवेली आणि दमन व दिव यांचा 5-0 असा पराभव केला. कर्नाटकतर्फे कर्णधार शेषे गौड। यतिश कुमार बी. नाचप्पा, आभारन सुदेव बी, मोहम्मद राहील मौसीन यांनी गोल नोंदवले. दुसऱ्या सामन्यात हरियाणाने गुजरातवर 22-1 अशी एकतर्फी मात केली. हरियाणाचे गोल दीपक, सुमित, अँटिल विशाल (2 गोल), संजय (6 गोल), कोहिनूरप्रीत सिंग, अभिषेक (4 गोल), मनदीप मोर, रजंत (2 गोल), मनप्रीत, यशदीप सिवाच (2 गोल),जोगिंदर सिंग यांनी नोंदवले. गुजरातचा एकमेव गोल यश महेंद्रभाई राठोडने नोंदवला.
तिसऱ्या सामन्यात तामिळनाडूने हिमाचल प्रदेशचा 13-1 असा एकतर्फी धुव्वा उडविला. बीपी सोमन्ना, मारीश्वरन सक्तीवेल (3 गोल), प़ृथ्वी जीएम, कनगराज सेल्वराज (3 गोल), सी. दिनेश कुमार (2 गोल), कार्ती एस. (2 गोल), सुंदरापन्डी यांनी विजयी संघाचे गोल केले. हिमाचलचा एकमेव गोल शुभमने नोंदवला. चौथ्या सामन्यात दिल्लीने तेलंगणाचा 6-1 असा पराभव केला. अभिषेक राणा, राहुल घराइ, अमन खान, कर्णधार गुरसिमरन सिंग व वासुदेव (2 गोल) यांनी विजयी संघाचे गोल केले तर भवानी रणजित चंद तेलंगणाचा एकमेव गोल नोंदवला.
दिवसातील शेवटच्या सामन्यात ओडिशा हॉकी संघटना संघाने हॉकी अरुणाचलचा 27-0 असा फडशा पाडला. झेस निलम संजीप (4 गोल), मतियास डांग (5 गोल), आशिष कुमार टोपनो (3 गोल), कुजुर प्रसाद (3 गोल), लाक्रा शिलानंद (4 गोल), कर्णधार अमित रोहिदास (3 गोल), रोशन मिन्झ, केरोबिन लाक्रा, रजिन कांदुलना (2 गोल), नाग प्रजुक्त यांनी विजयी संघाचे गोल केले
