करमाळा शहरात सापडला अजून एक बेवारस मृतदेह

करमाळा प्रतिनिधी

करमाळा शहरात आज आणखी बेवारस मृतदेह सापडला आहे. काल मंगळवारी आयसीआयसी बँक परिसरातील ओढ्याच्या कडेला मृतदेह सापडला होता, तर आज बुधवारी कर्जत रोड भागात किल्ला परिसरात चिल्लारीच्या झाडात एका अनोळखी पुरुषाचा मृतदेह सापडला आहे.
मृतदेहाची माहिती मिळताच करमाळा पोलिस घटनास्थळी दाखल झाले. नगरपालिकेच्या कर्मचाऱ्यांच्या मदतीने दुपारी 12 वाजण्याच्या सुमारास हा मृतदेह बाहेर काढण्यात आला.

बुधवारी (ता. 27) सुमंतनगर भागात एक मृतदेह असल्याची माहिती पोलिसांना मिळाली. किल्ल्याच्या बाहेर ओड्याच्या जवळ चिल्लीरीत हा मृतदेह होता. त्याची दुर्गंधी पसरली होती. हा मृत्यू कशाने झाला हे समजले नसून त्याची ओळख पटवणे पोलिसांपुढे आव्हान असणार आहे.
नगरपालिकेच्या कर्मचार्यांनी हा मृतदेह बाहेर काडून उपजिल्हा रुग्णालयात शवविच्छेदनासाठी पाठविण्यात आला आहे.