अश्विनी अय्यर यांच्या चित्रपटात करणार काम
बॉलिवूडच्या दोन आघाडीच्या अभिनेत्री करिना कपूर आणि कियारा अडवाणी यांनी 2019 मध्ये ‘गूड न्यूज’ या चित्रपटात एकत्र काम केले होते. दोघींच्या अभिनयाला चाहत्यांची पसंती मिळाली होती. चित्रपटाने बॉक्स ऑफिसवर चांगली कामगिरी केली होती. या चित्रपटानंतर करिना आणि कियारा यांच्यात उत्तम मैत्रीही निर्माण झाली होती. चाहत्यांना आता या दोन्ही अभिनेत्रींना पुन्हा एकत्र पाहता येणार आहे.
करिना आणि कियाराने अश्विनी अय्यर यांच्याकडून दिग्दर्शित होणाऱ्या चित्रपटात काम करण्यास होकार दर्शविला आहे. या चित्रपटाची निर्मिती फरहान अख्तर आणि रितेश सिधवानी यांच्या प्रॉडक्शन हाउसकडून करण्यात येणार आहे. अश्विनी अय्यर सध्या या चित्रपटाच्या कथेला अंतिम स्वरुप देत आहेत. कियाराचा ‘सत्यप्रेम की कथा’ हा चित्रपट अलिकडेच प्रदर्शित झाला आहे. या चित्रपटात कार्तिक आर्यन मुख्य भूमिकेत आहे. या चित्रपटाला प्रेक्षकांचा चांगला प्रतिसाद मळित आहे. तर करिना लवकरच एका वेबसीरिजमध्ये दिसून येणार आहे. करिना अन् कियारा या दोन्ही अभिनेत्रींना मोठ्या पडद्यावर एकत्र पाहण्यासाठी चाहते आतुर झाले आहेत
