वार्ताहर,खानापूर
शेतकऱ्यांकडून जमिनीच्या खरेदीची नोंद करण्यासाठी तीन हजार रुपयांची लाच घेताना करंजे मंडल अधिकारी शशिकांत ज्ञानदेव ओमासे (रा.सांगली) व तलाठी विजय शंकर ओमासे दोघांनाही लाचलुचपत प्रतिबंधक विभागाने रंगेहाथ पकडले. करंजे ता.खानापूर येथे ही कारवाई करण्यात आली.
याबाबत विटा पोलिसात गुन्हा दाखल झाला असून संशयित लाचखोर मंडल अधिकारी शशिकांत ओमासे व तलाठी विजय ओमासे यांच्यावर शेतकऱ्यांच्या तक्रारीनुसार लाचलुचपत प्रतिबंधक विभागाने कारवाई केली. मंडल अधिकारी व तलाठी या दोघांवर कारवाई झाल्याने तालुक्यातील महसूल विभागात खळबळ माजली आहे.
