बेळगाव : बसवण कुडची व कणबर्गी येथे तलावांच्या सुशोभिकरणाच्या कामाचा रविवारी शुभारंभ करण्यात आला. आमदार आसिफ सेठ यांच्या प्रयत्नांतून या दोन्ही तलावांचे नूतनीकरण करण्यात येणार आहे. 1 कोटी 60 लाख रुपयांच्या निधीतून विकासकामे राबविले जाणार असल्याचे आमदार सेठ यांनी सांगितले. कणबर्गी येथील तलावांचे सुशोभिकरण करण्यात आले होते. परंतु योग्य प्रकारे देखरेख करण्यात न आल्याने तलावांचे विद्रुपीकरण झाले आहे. त्यामुळे या तलावाचे नव्याने सुशोभिकरण करण्यात येणार आहे. नवीन विद्युत रोषणाई, पाण्याची व्यवस्था, वॉकिंग ट्रॅक, बसण्यासाठीची व्यवस्था, ग्रीन बेल्ट यासह इतर सुविधा केल्या जाणार असल्याचे आमदारांनी सांगितले. विविध विभागांचे अधिकारी, नगरसेवक तसेच कणबर्गी व बसवण कुडची येथील ग्रामस्थ उपस्थित होते.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
