Kalambaist Upsarpanchpadi Suresh Paste and Nemale Upsarpanchpadi Sitaram Raul
सावंतवाडी तालुक्यात शिवसेनेचे थेट सरपंच उपसरपंच 11 ठिकाणी विराजमान झाले आहेत . तालुक्यात जनतेने ग्रामपंचायत निवडणुकीत उद्धव ठाकरे शिवसेनेला चांगली साथ दिली आहे. अशी माहिती शिवसेनेचे तालुकाप्रमुख रुपेश राऊळ यांनी दिली . कलंबिस्त व नेमळे ह्या ग्रामपंचायतीवर पूर्ण बहुमताने शिवसेनेची सत्ता आली आहे . कलंबिस्त येथे उपसरपंच पदाच्या निवडणुकीत उद्धव ठाकरे शिवसेनेचे सुरेश पास्ते हे बिनविरोध निवडून आले आहेत .
तर नेमळे उपसरपंचपदी सिताराम राऊळ हेही बिनविरोध निवडून आले आहेत. या दोन्ही ग्रामपंचायतच्या सरपंच व उपसरपंच यांचा सत्कार तालुका प्रमुख रुपेश राऊळ व माजी जिल्हा परिषद सभापती बाळा गावडे माजी जि प सदस्य राजू मुळीक आदींनी केला. यावेळी गावातील स्थानिक पदाधिकारी कार्यकर्ते उपस्थित होते. यावेळी रुपेश राऊळ यांनी शिवसेनेच्या माध्यमातून दोन्ही गावांचा विकास केला जाईल असे स्पष्ट केले.
सावंतवाडी / प्रतिनिधी
