कडोली : अयोध्या येथील श्रीराम मूर्ती प्राणप्रतिष्ठा सोहळ्याचा आनंदोत्सव कडोली येथे सोमवारी कीर्तन, भजन, श्रीराम दौड शोभायात्रा, महाप्रसादाबरोबर विविध धार्मिक कार्यक्रमाने उत्साहात पार पडला. भगव्या पताका, झेंडे, हार्दिक शुभेच्छा देणारे फलक संपूर्ण गावभर लावण्यात आले होते. त्यामुळे पुन्हा एकदा गावात दिवाळी सण साजरा होतो आहे की काय, असा भास निर्माण होत होता. दिवसभर गावभर पुजा अर्चाचे काम हाती घेतले होते. रविवारी एकदिवसीय महोत्सवाचे आयोजन करण्यात आले होते. यावेळी हरिपाठ, भजन, कीर्तन पार पडले. सोमवारी पहाटे श्री दूरदुंडेश्वर मठातून श्रीराम दौडची उत्साहात सुरुवात करण्यात आली. यावेळी कडोली ग्रा. पं. अध्यक्ष, ग्रा.पं. सदस्य, बजरंग दल उत्तर कर्नाटक प्रमुख विलास पवार, विजय मलकाचे तसेच शिवभक्त आणि कारसेवक यांच्या हस्ते विविध प्रतिमांचे पूजन करून श्रीराम दौडीला सुरुवात करण्यात आली. या दौडीमुळे संपूर्ण गाव राममय झाला होता. श्री कलमेश्वर मंदिरात विविध धार्मिक करून महाप्रसादाचे वाटप करण्यात आले. सायंकाळी अयोध्यानगर तरुण युवक मंडळाच्यावतीने श्रीरामाची शोभायात्रा काढण्यात आली.
Tarun Bharat Portal
Amit Kulkarni a versatile content writer, scriptwriter, and content producer at Tarun Bharat Media. Specializes in sports news, local news entertainment, national news and astrology content. His captivating storytelling and deep industry knowledge make him an expert in crafting engaging narratives.
Related Posts
